Mer trägid Senneschlotte, hend Freud a Silberschnöpf, ond dräiid d Määtle s Chöpfli, wie monter flüügid the Zöpf.

Im Sommer baare Füesse, im Wenter of de Schii,

gods öber Berg ond Bögel, das macht öös staarch ond frii.

 

Mer trinkid ab de Röhre

s Quellwasser gsond ond frisch. Herdapfel, Chääs e Milech

stellt d Mueter of de Tisch.

Ond gsiemer s Dorf ond d Cherche ond Vaters Huus ond Stall,

do juchzid mer ond zaurid:

Wie höbsch isch öberall.

 

So lebid mer do henne

im Tal, am grüene Rää,

vill Freudli omm öös omme, chas näbis Schöners gee? Mössst I emol id Frönti

ond gängs au öbers Meer. Gliich wör i s Tröömli fende id Häämet zrogg zo deer.